…

Heard it on Radio some time back and liked it. Thus sharing it!

Nafraton ke mausam main, ulfaton ke mausam main
Dil ne dard paya har mausamon ke mausam main

Nafraton ke mausam main, ulfaton ke mausam main
Dil ne dard paya har mausamon ke mausam main

Ab khushi mili bhi tau hum usay jala dainge
Ab khushi mili bhi tau hum usay jala dainge
Zindagi bita dali jab ghamon ke mausam main

Khamoshi ko odh kar teergi main chal diye
Khamoshi ko odh kar teergi main chal diye
Tanhai hi hasil hai qurbaton ke mausam main

Dil ne bhi uski tarha mujhse bewafai ki
Dil ne bhi uski tarha mujhse bewafai ki
Saath uska hi dia furqaton ke mausam main

Apni jaan pe ban aai uske hausle dekho
Apni jaan pe ban aai uske hausle dekho
Muskura ke jeeta hai dooriyon ke mausam main

Hum ne jab bhi ghabra ke uska naam socha hai
Hum ne jab bhi ghabra ke uska naam socha hai
Phool khilte dekhe hain patharon ke mausam main

Aur apni wafa ka deka hai ek jaisa hi anjaam
Apni wafa ka dekha hai ek jaisa hi anjaam
Doston kimehfil main, dushmanon ke mausam main

Daur-e-badghumani main woh dil ki baat kia sunna
Daur-e-badghumani main woh dil ki baat kia sunna
Shaakh kia hari hoti patjhadon ke mausam main

Par hum na samjhe aaj tak taqaza-e-junoon hai kia
Hum na samjhe aaj tak taqaza-e-junoon hai kia
Raaston ko kho dena manzilon ke mausam main

Raaston main ulfat ke ana ki ik deewar hai
Raaston main ulfat ke ana ki ik deewar hai
Raah koi mili hai kab parbaton ke mausam main

Uski justujoo main tau khud ko hi kho dena tha
Uski justujoo main tau khud ko hi kho dena tha
Hum safar pe nikle thay sanihon ke mausam main

Dil ki is dehleez pe uska muntazir diya
Dil ki is dehleez pe uska muntazir diya
Ab jalayga kab talak aandhiyon ke mausam main

Kirchiyan chunte hue ab haath hain lahu lahu
Kirchiyan chunte hue ab haath hain lahu lahu
Patharon se ki wafa aainon ke mausam main

Aur gham main bheegi aankh ko hairangi se mat dekho
Ke gham main bheegi aankh ko hairangi se mat dekho
Aray barishain tau hoti hain barishon ke mausam main

Aur dil ko cheer jati hai raat chandni hawa
Aur dil ko cheer jati hai raat chandni hawa
Aur teri khamoshiyan sardiyon ke mausam main

Aur kisi mausam main seh bhi jata main magar
Aur kisi mausam main seh bhi jata main magar
Usne dard bheja hai chahaton ke mausam main